पोखराका अनिक अधिकारी बने ‘हस्पिटालिटी नेपाल’ तेस्रो सिजनको विजेता

 १७ प्रतिस्पर्धीलाई पछि पार्दै बेगनास पोखराका अनिक अधिकारी हस्पिटालिटी नेपाल कन्टेस्ट तेस्रो सिजनका विजेता बनेका छन् । फाइनल चरणमा निर्णायकले सोधेको प्रश्नको सबैभन्दा उत्कृष्ट जवाफ दिएर उनी विजेता छनौट भएका हुन् । अनिक अधिकारीले विजेता भएसँगै नगद २५ हजार रुपैयाँसँगै दुबई भ्रमणको प्याकेज प्राप्त गरेका छन्  । अनिक अधिकारी हाल नेपाल टुरिज्म एण्ड होटल म्यानेजमेन्ट कलेजमा अध्ययनरत छन् । त्यस्तै कन्टेस्टमा पवित्रा तामाङ फस्ट रनरअप भईन् । उनले टाइटलसँगै नगद र विभिन्न प्याकेज पुरस्कार जितिन् । तामाङ पनि नेपाल टुरिज्म एण्ड होटल म्यानेजमेन्ट कलेजमा अध्ययनरत छिन् । कन्टेस्टमा प्रतिक गुरुङ सेकेन्ड रनरअप भए । उनी माउन्ट अन्नपूर्ण कलेजमा अध्ययनरत छन् । त्यसैगरि सिटिइभिटीमा अध्ययनरत सन्देश केसी कन्टेस्टमा थर्ड रनरअप भएका थिए ।

 

करिब डेढ महिनासम्म आयोजक एपी इन्टरटेनमेन्टले प्रतिस्पर्धीहरुलाई बन्द प्रशिक्षणमा सहभागी गराएर ‘हस्पिटालिटी सेक्टर’सँग सम्बन्धि विभिन्न तालिमहरु दिएको थियो । हस्पिटालिटी क्षेत्रसँग विज्ञता राख्ने व्यक्तिहरुले प्रतिस्पर्धीहरुलाई तालिम दिएका थिए । फाइनलमा उनीहरुले तालिममा सिकेका विभिन्न सिपहरु पनि प्रदर्शन गरेका थिए । ग्राण्ड फिनालेसँगै हस्पिटालिटी नेपाल कन्टेस्टको तेस्रो सिजन सकिएको आयोजक कम्पनी एपी इन्टरटेनमेन्टले जनाएको छ । ‘तेस्रो सिजनसम्म आईपुग्दा हामीले कन्टेस्टलाई निकै उचाँईमा पु¥याउन सकेकोमा गर्व गर्छौँ । यो सफलतामा धेरैजनाको हात रहेको छ । र, सहयोगी हातलहरुलाई कम्पनीको तर्फबाट धन्यबाद ज्ञापन गर्न चाहन्छौँ । त्यस्तै विजेताहरु र कन्टेस्टमा सहभागीहरुलाई पनि आगामी जीवनका लागि शुभकामना दिन चाहन्छौँ ।’ ग्राण्ड फिनाले पछि एपी इन्टरटेनमेन्टका प्रबन्ध निर्देशक अर्जुन पाण्डेले भने ।

 

हस्पिटालिटी नेपाल कन्टेस्टको तेस्रो सिजनको मूख्य निर्णायकको रुपमा पाइलट तथा अभिनेता विजय लामा रहेका थिए । त्यस्तै हिसान कास्कीका अध्यक्ष डा। रामजी शर्मा, नेपाल पर्यटन बोर्ड गण्डकी प्रदेश निर्देशक मणिराज लामिछाने, माउन्ट अन्नपूर्ण कलेजका प्राचार्य शैलेन्द्र श्रेष्ठ र नेपाल टुरिज्म एण्ड होटल म्यानेजमेन्ट कलेजका प्राचार्य प्रकाश रेग्मी र नाट्टाका अध्यक्ष सन्तोष पोखरेल निर्णायक मण्डलमा रहेका थिए । कार्यक्रममा मिस अर्थ २०१८ प्रिया सिग्देल विशेष अतिथीको रुपमा सहभागी थिईन् ।

प्रतिकृया दिनुहोस
प्राप्त प्रतिक्रिया
तपाईँको मत

राष्ट्रिय चलचित्र पुरस्कार सम्पन्न, पुरस्कारमा उत्कृष्ट निर्देशकको अवार्ड विनोद पौडेलले हातमा ।

  • २८ असार, २०७६

शुक्रबार चलचित्र विकास बोर्डले राष्ट्रिय चलचित्र पुरस्कार वितरण गरिएको छ  । राष्ट्रपतिको कार्यालय, शीतल निवासमा शुक्रबार राष्ट्रपति विद्यादेवी

'राष्ट्रिय दोहोरी गीत प्रतियोगिता – २०७६' सम्पन्न

  • २६ असार, २०७६

लोक कला संस्कृतिको जगेर्ना गर्ने उदेश्यले सांस्कृतिक संस्थान (राष्ट्रिय नाचघर ) जमल र राष्ट्रिय लोक तथा दोहोरी गीत प्रतिस्ठान केन्द्रिय समितिको

असार २२ गते देखी “राष्ट्रिय खुल्ला दोहोरी गीत प्रतियोगीता” सुरु भएको छ ।

  • २३ असार, २०७६

लोक कला संस्कृतीको जगेर्ना गर्ने उदेश्यले साँस्कृतिक संस्थान राष्ट्रिय नाँच घर र राष्ट्रिय लोक तथा दोहोरी गीत प्रतिष्ठान नेपाल केन्द्रिय