अमेरिकाको न्यूजर्सीको अन्तर्राष्ट्रिय चलचित्र महोत्सव प्रतियोगितामा गायक रामकृष्ण ढकालको म्युजिक भिडियो चयन

लोकप्रिय गायक रामकृष्ण ढकालले गाएको “अचेल पाइलै पिच्छे” भन्ने गीत अमेरिका स्थित न्यूजर्सीमा आयोजना भइराखेको गोल्डेन डोर इन्टर नेसनल फिल्म फेस्टिवल अफ जर्सी सिटि नामक अन्तर्राष्ट्रिय चलचित्र महोत्सवमा चयन भएको छ ।

यो चयनले हाल अमेरिका क्यानडामा सांगीतिक भ्रमणमा रहेका रामकृष्ण ढकाललाई सांगीतिक यात्रामा अर्को खुशी थपिएको छ । यस प्रतियोगितामा रामकृष्णको उक्त गीतसँगै झन्नै १०० मुलुकका म्युजिक भिडियोहरु छानिएका छन् । नेपालबाट उक्त एकमात्र म्युजिक भिडियो चयनमा परेको हो ।

हालै साझा प्रकाशनबाट “चराको गीत” नामक चर्चित कविता संग्रह प्रकाशन गर्नुभएका चर्चित साहित्यकार कृसु क्षेत्रीको पुरानो गजललाई आधुनिक संगीतको स्वादमा तयार गरिएको यो गीत गायक तथा संगीतकार हिमाल सागरको रचनामा तयार भएको थियो भने उक्त म्युजिक भिडियोको निर्देशन युवा निर्देशक बिक्की पुलामी खडगले गर्नु भएको छ ।

मानवीय जीवनको सफलता असफलता आरोह अवरोहलाई उल्लेख गरिएको यो गीत सुगम संगीतका श्रोताहरुले निकै रुचाएको समेत पाइएको छ । आगामी २० सेप्टेम्बर देखि २३ सेप्टेम्बर सम्म चल्ने यो प्रतियोगितामा रामकृष्ण ढकालको गीत सम्मानित भएमा अन्तर्राष्ट्रिय सम्मान पाउने पहिलो नेपाली म्युजिक भिडियो समेत हुने छ ।

आफ्नो म्युजिक भिडियो चयन भएकोमा युवा निर्देशक बिक्की पुलामी खडगले हर्षित हुँदै आफूलाई अत्यन्त गर्वको अनुभूति भएको र यो भिडियो अन्तर्राष्ट्रिय सम्मानबाट पुरस्कृत हुने आशा समेत रहेको बताउनु भयो ।

प्रतिकृया दिनुहोस
प्राप्त प्रतिक्रिया
तपाईँको मत

‘पण्डित बाजेको लौरी’ बिरुद्ध सर्बोच्चमा मुद्धा

  • ५ मङ्सिर, २०७५

तीन महिना अघि प्रदर्शनमा आएको चलचित्र ‘पण्डित बाजेको लौरी’ बिरुद्ध सर्वोच्च अदालतमा मुद्धा परेको छ । बादी समुदायमाथि सामुदायिक हानी तथा क्षती

यस्तो रहेछ चलचित्र ‘प्रेमलिला’ को पहिलो गीत युट्युबबाट हटाउनुको कारण.

  • ५ मङ्सिर, २०७५

दुई देशको प्रेम सम्बन्धको कथालाई कलात्मक रुपले प्रस्तुत गरि निर्माण गरिएको चलचित्र ‘प्रेमलिला’मा पहिलो सार्वजनिक हिन्दि भाषाको  गीत ‘जाने

सलिनमान बानियाको ‘यात्रा’ को पोस्टर सहित प्रदर्शन मिति सार्वजनिक

  • ५ मङ्सिर, २०७५

सम्राट शाक्यको डेब्यु निर्देशन रहेको चलचित्र   ‘यात्रा’ को अफिसियल पोस्टर पनि सार्वजनिक गरिएको छ भने सार्वजनिक पोस्टरसंगै चलचित्र प्रदर्शन