डाक्टर भिमार्जुन आचार्यको सांगीतिक गजल संग्रह ‘अतित’ लोकार्पण

सांगीतिक क्षेत्रमा अर्जुन मिलनको नामले परिचित संविधानविद डाक्टर भिमार्जुन आचार्यको सांगीतिक गजल संग्रह ‘अतित’ को लोकार्पण भएको छ।  शनिवार  सर्वनाम थिएटरमा भएको कार्यक्रममा गायक अर्जुन मिलन, गीतकार कालीप्रसाद रिजाल, कवि तथा गीतकार दिनेश अधिकारी, संगीतकार सन्तोष श्रेष्ठ, डाक्टर सनतकुमार वस्ती, प्राध्यापक नारायण नेपाल र गायक तथा संगीतकार नारायण रायमाझीले गजल संग्रह सार्वजनिक गरेका हुन्।

कार्यक्रममा बोल्दै गीतकार कालिप्रसाद रिजालले अर्जुन मिलन बहुमुखी प्रतिभा भएको व्यक्ति भएको बताए। ‘हाम्रो देशमा प्रतिभाको भर मात्रै परेर बाँच्न सक्ने स्थिती हिजो पनि थिएन, आज पनि छैन र अझै कति समयसम्म त्यो नहुन सक्छ,’ उनले भने, ‘तर त्यो प्रतिभालाई लुकाएर राखि रहँदा त्यो प्रतिभाले कुनै न कुनै समयमा झक्झक्याउने काम गर्दछ, जुन अर्जुन मिलनले फेरी देखाउनु भएको छ, आफ्नो प्रतिभालाई बाहिर ल्याउनु भएको छ।’युवा संगीतकार सन्तोष श्रेष्ठले नेपाली संगीतको सुरुवात गजलबाट नै भएको बताए। ‘अतित बाहिरबाट हेर्दा जति सुन्दर एल्बम छ, त्यो भन्दा पनि एल्बम भित्रका गजल अति नै कर्णप्रिय छन्,’ उनले भने,‘यस्तै मिठा गजल गाउन थालिएपछि मात्र नेपालमा संगीतको सुरुवात भएको हो।’

उक्त गजल संग्रहमा ६ वटा गजलहरु संग्रहित छन्। जसमा पहिलो गजल ‘फूललाई दुख्यो होला तिमी चर्किदा, रुखो प्यासो धरतीको माटो थर्किदा’ बोलको रहेको छ। जसमा शब्द नारायण नेपालको रहेको छ भने संगीत यादव योगीको छ। दोस्रो गजल ‘मौनताको शहरमा हल्ला चलेको छ, हरदम किन किन जीवन गलेको छ’ बोलको छ। जसमा शव्द, संगीत अर्जुन मिलनको आफ्नै छ। संग्रहको तेस्रो गजल ‘एकान्तमा आँशु बन्दै झर्ने बानी बसिसक्यो, सास फेर्दाफेर्दै पनि मर्ने बानी बसिसक्यो’ रहेको छ। यसमा शब्द किरण खरेलको रहेको छ भने संगीत अर्जुन मिलनको रहेको छ। चौथो गजल ‘ओठ तिम्रै गजल गुनगुनाइरहोस्, जति बिर्से पनि याद आइरहोस्’ रहेको छ। जसमा शब्द डा. सनद कुमार वस्तीको रहेको छ भने संगीत दिपक जंगमको छ। पाँचौ गजल ‘जीवनको सार बल्ल मिल्दैछ सुस्त सुस्त, बाँच्ने आधार बल्ल मिल्दैछ सुस्त सुस्त’ रहेको छ। जसमा शव्द सुमत कोइरालको रहेको छ भने संगीत महेश खड्काको रहेको छ।

अन्तिम तथा छौँठौ गजल ‘अतितसँग आफूलाई साट्न पाए हुन्थ्यो, हिजोको त्यो साथी भेट्न पाए हुन्थ्यो’ बोलको छ। जसमा शब्द तथा संगीत अर्जुन मिलन स्वयमको रहेको छ। कार्यक्रममा अर्जुन मिलनले आफ्ना गजलका केही हरफहरु समेत प्रस्तुत गरेका थिए।

प्रतिकृया दिनुहोस
प्राप्त प्रतिक्रिया
तपाईँको मत

राष्ट्रिय चलचित्र पुरस्कार सम्पन्न, पुरस्कारमा उत्कृष्ट निर्देशकको अवार्ड विनोद पौडेलले हातमा ।

  • २८ असार, २०७६

शुक्रबार चलचित्र विकास बोर्डले राष्ट्रिय चलचित्र पुरस्कार वितरण गरिएको छ  । राष्ट्रपतिको कार्यालय, शीतल निवासमा शुक्रबार राष्ट्रपति विद्यादेवी

'राष्ट्रिय दोहोरी गीत प्रतियोगिता – २०७६' सम्पन्न

  • २६ असार, २०७६

लोक कला संस्कृतिको जगेर्ना गर्ने उदेश्यले सांस्कृतिक संस्थान (राष्ट्रिय नाचघर ) जमल र राष्ट्रिय लोक तथा दोहोरी गीत प्रतिस्ठान केन्द्रिय समितिको

असार २२ गते देखी “राष्ट्रिय खुल्ला दोहोरी गीत प्रतियोगीता” सुरु भएको छ ।

  • २३ असार, २०७६

लोक कला संस्कृतीको जगेर्ना गर्ने उदेश्यले साँस्कृतिक संस्थान राष्ट्रिय नाँच घर र राष्ट्रिय लोक तथा दोहोरी गीत प्रतिष्ठान नेपाल केन्द्रिय