भीष्मराज फुलाराको ‘ओरपान हरस्कोप’को लोकार्पण सम्पन्न

 युवा साहित्यकार भीष्मराज फुलाराव्दारा लिखित उपन्यास ‘टुहुरो कुण्डली’ अंग्रेजी संस्करण ‘ओरपान हरस्कोप’को शुक्रबार अनामनगर चौक मूल सडकबाटै लोकार्पण गरिएको छ । लोकार्पण समारोहमा समाजका प्रतिष्ठित ब्यक्तित्व नेपाली साहित्य फाँटका प्रतिभाशाली लेखक, चलचित्रका दिग्गज कलाकर्मीहरुबाट सामुहिक रुपमा एकैसाथ महंगो चारतारे होटेल देखि बिभिन्न सभागृहहरु र अन्य ठाउँबाट बिमोचन गर्ने पुराना परिपाटीलाई थाँती राखि आम जनसमुदायलाई सन्देशदिने हेतुले ‘फुलारा लिट्रेचर फाउण्डेशन नेपालको आयोजनामा अनामनगर मुल सडकमा पुस्तकको लोकार्पण गरिएको थियो ।बिमोचन कार्यक्रममा जेष्ठ नागरिक, बरिष्ठ पत्रकार तथा समाजसेवि भैरब रिसाल, बरिष्ठ ब्यक्तित्वहरु मोहन बहादुर के.सी., ईन्जिनियर दुर्गा वस्थी, स्वास्थ्यकर्मी प्रदिप रिमाल, बृत्तचित्र सम्पादक मान बहादुर थापा, उपप्राध्यापक तथा समालोचक ज्ञाननिस्ठ ज्ञवली, पुस्तक अनुवादक रिषी नौपाने, लगायत दर्जनौ लघुप्रतिष्ठित ब्यक्तित्वहरु तथा सयौं संख्यामा दर्शकहरुको उपस्थिति रहेको थियो ।उक्त कार्यक्रममा बोल्दै बरिष्ठ पत्रकार तथा समाजसेवि भैरब रिसालले साहित्यकारहरुले सामाजिक तड्क भड्क र महंगोमा पुस्तक लोकार्पण गर्ने परिपाटीलाई छिचोल्दै युवा लेखक फुलाराले जिरो ब्यालेन्समा पनि पुस्तक बिमोतन गर्न सकिन्छ भन्ने सन्देश आम नागरिकहरुमा दिन सकेकोमा गौरवान्दित महशुस गरे र युवा लेखक फुलाराको नयाँ कदमको तारिफ गर्दै बधाई तथा धन्यवाद ज्ञापन गरे ।

त्यसै गरी उपप्राध्यापक तथा समालोचक ज्ञाननिस्ठ ज्ञवालीले चर्चित युवा साहित्यकार फुलाराले जुन किसिमको साहित्यमा योगदान दिईरहेका छन् उक्त कार्य युवा वर्गको लागि उदाहरण तथा प्रशंशनिय रहेको बताए । नेपाली साहित्यको बिकासका लागि अंग्रेजीमा अनुवादित यो पुस्तकले पाठकहरुलाई समाजमा यथार्थ घट्ना, परिघट्ना र समाजले भोग्नु पर्ने पिडाँलाई उतारेको चर्चा गरे ।त्यसैगरी ‘टुहोरो कुण्डली’ पुस्तकका अनुवादक रिषी नौपानेले पुस्तकमा भौगलिक आञ्चलिकता रहेको र समाजले भोगेका मानविय घट्नालाई यथार्थ रुपमा चित्रण गरेको बताए । यो पुस्तक मानविय करुणारसले भरिएकोले आफुले अंग्रजीमा अनुवाद गर्न पाएकोमा खुशी ब्यक्त गरे । नेपाली साहित्य इतिहासमा सम्भवत पहिलो पटक मूल सडकबाटै पुस्तक बिमोचन भएकोमा नयाँ शैलिको प्रयोग र फरक जनसमुदायमा उदाहरणीय रहेको भन्दै युवा लेखक फुलारालाई धन्यवाद सहित बधाई ज्ञापन गरे ।त्यसैगरी युवा उपन्यासकार तथा फुलारा लिट्रेचर फाउण्डेशन नेपालका अध्यक्ष समेत रहेका भीष्मराज फुलाराले आफु बाँचेको समाज र समयलाई चित्रण गर्दै तीन वर्ष लगायर उपन्यास तयार पारेको बताए । सामाजिक संवेदना स्खलीत हुँदै गएको आजको विश्व परिवेशमा उपन्यासले करुणा, दया मायाँ, सद्भाव र सहानुभुति जस्ता संवेदना उठान गरेर लेखेको हुनाले पाठकहरुलाई एकचोटी अवस्य पढेर प्रतिकृया दिन आग्रह गरे । फुलारा लिट्रेचर फाउण्डेशन नेपालले बजार ब्यबस्थापन सम्हालेको यो पुस्तकको मूल्य ५५० रहेको छ ।

प्रतिकृया दिनुहोस
प्राप्त प्रतिक्रिया
तपाईँको मत

नेपाल चलचित्र कलाकार संघ द्वारा इनासलाइ बधाई तथा सम्मान

  • १ कार्तिक, २०७६

नेपाल चलचित्र कलाकार संघले अन्तराष्ट्रिय नेपाली कलाकार समाज(ईनास) का नबनिर्बाचित पदाधिकारीहरुलाइ बधाई तथा भब्य स्वागत र सम्मान गरेको छ । नेपाल

छैटौं इनास फिल्म अवार्ड-२०१९ सम्पन्न

  • २८ असोज, २०७६

 छैटौं इनास फिल्म अवार्ड-२०१९ सम्पन्न भएको छ । नेपाल बाहिर छरिएर रहेको नेपाली कलाकारहरूले स्थापना गरिएको छैटौं इनास फिल्म अवार्ड-२०१९

आजीवन मानार्थ मिसेस नेपाल इन्टरनेशनल उपाधिले करिश्मा मानन्धर सम्मानित

  • ६ असोज, २०७६

रिवन इन्टरटेनमेन्ट प्रालिले विवाहित महिलाका बीच आयोजना गर्दै आएको अहिलेसम्मकै ठूलो सौन्दर्य प्रतियोगिता सन्तुर मिसेस नेपाल इन्टरनेसनल २०१९ मा