विश्व कीर्तिमानी गीतकार डा.डीआर उपाध्यायका एकसाथ ७ एल्बम सार्वजनिक

विश्व कीर्तिमानी गीतकार डा। डीआर उपाध्यायका एकसाथ ७ एल्बम सार्वजनिक गरिएको छ । सोमबार कमलपोखरी स्थित रुसी सांस्कृतिक केन्द्रमा आयोजित एक समारोहमा वाङ्मय शताब्दी पुरुष सत्यमोहन जोशी, वरिष्ठ गायिका ज्ञानु राणा, हाँस्यसम्रागी वसुन्धरा भुसाललगायतले सामूहिक रूपमा एल्बमहरू सार्वजनिक गरे । सार्वजनिक भएका एल्बम ‘अनजान तिर्खा’, ‘सुधारस’, स्वर्ग घर, ‘नजरको तीर’, ‘सेभेन्थ कड्स’, ‘सौभाग्यको सिन्दूर’ र ‘अनुभूतिको मझेरीमा’ रहेका छन् । कार्यक्रममा गीतकार डिआरका एक उपन्यास ‘सपनाकी रानी’ र ८ उपन्यासहरूको सँगालो एउटै पुस्तक समेत सार्वजनिक भयो ।

कार्यक्रममा वाङ्मय शताब्दी पुरुष सत्यमोहन जोशीलाई ५१ हजार नगद सहित दोसल्ला र ‘जन्मसताब्दी अभिनन्दन २०७६’ ताम्रपत्रद्धारा ‘सम्मान गरिएको थियो । राष्ट्रकवि माधवप्रसाद घिमिरे र वाङ्मय शताब्दी पुरुष सत्यमोहन जोशीको हातबाट एल्बम सार्वजनिक गर्ने भनिए पनि राष्ट्रकवि माधवप्रसाद घिमिरे अस्वस्थताका कारण कार्यक्रममा उपस्थिति हुन सकेनन् । राष्ट्रकवि माधवप्रसाद घिमिरेलाई भने ५१ हजार नगद सहितको ‘शतवार्षिकी अभिनन्दन २०७६’ सम्मान उहाँकै निवासमा गएर गरिएको आयोजकले जानकारी दियो । सोही अवसरमा हाँस्य सम्रागी वसुन्धरा भुसाल र वरिष्ठ गायिका ज्ञानु राणा समेत सम्मानित भए ।

कार्यक्रममा शताब्दी पुरुष जोशीले डा। डीआरले नेपाली गीत सङ्गीतलाई विश्वमा चिनाउने महत्त्वपूर्ण काम गरेको बताए । उनको डीआरका कार्यको प्रशंसा गर्दै चर्चा योग्य काम गरेको बताए । जोशीले डिआरलाई बधाई दिँदै लेखनमा जोस जागर अझै बढेर जाओस् र अन्य धेरै कीर्तिमान कायम होस् भन्ने समेत कामना समेत गरेका थिए ।त्यस्तै सङ्गीतकार सन्तोष श्रेष्ठले कार्यक्रम माथि प्रकाश पार्दै डीआरको संगीतिक यात्राको चर्चा गरेका थिए ।

कार्यक्रममा युथ क्रिएशन म्युजिक प्रा।लिको तर्फबाट डा।डीआर उपाध्यायलाई म्युजिक क्रिएशनका अध्यक्ष रमेश थापा र सल्लाहकार कृष्ण भुसालले दोसल्ला र ताम्रपत्रले सम्मान समेत गरे । ०७५ साल मंसिरमा एकसाथ ७ गीति एल्बम सार्वजनिक गरेर विश्व रेकर्ड राखेका डा। डीआरका यसअघि ‘जखम’, ‘माउन्टेन मेलोडी’, ‘नशालु नजर’, ‘जोहो’, ‘अन्तराप’, ‘प्रतिनाद’, ‘सहेली’, ‘परिष्कृत’, ‘कृति’ र ‘पृथक्’ गरी ११ एल्बम सार्वजनिक भएका छन् । उनका हालसम्म ‘वज्रघात’, ‘त्यागी’, ‘भाग्य चक्र’, ‘अपवित्र छाया’, ‘स्वार्थी’, ‘बिटुली’, ‘अतिरिक्त’, ‘दगा बाज’, ‘अधुरो प्रेम’ र ‘सपनाकी रानी’ प्रकाशित कृति हुन् ।

गीत लेखेर विभिन्न कीर्तिमान कायम गरेका डा। डीआरले सोही कार्यक्रममा आठ वल्र्ड कायम भएका छन् । कार्यक्रममा एभरेस्ट वल्र्ड रेकर्डका फाउन्डर निर्देशक मधुरा श्रेष्ठले उनलाई ८ वल्र्ड रेकर्डको प्रमाणपत्र हस्तान्तरण गरेका थिए ।

उनले कायम गरेको ८ वल्र्ड रेकर्डमा २४ फरक गीत १२ मेजर १२ माइनर स्केलमा एउटै एल्बममा, ५ फरक सङ्गीतकारले सङ्गीत गरेको एउटै गीत, अधिकांश हिन्दु देवी देवताको नाम राखेर बनाइएको गीत, एउटा एल्बममा सबै गीत सेभेन्थ कड्स, सबैलाई स्वस्थ राखौँ भन्ने योग सम्बन्धी गीत, महिला प्रताडना सम्बन्धी गीत जसमा ७१ वर्ष र ५ वर्षकी गायिकाको स्वर, अत्यधिक हिमाललाई समेटेर पर्यटन वर्ष २०२० लाई लक्षित गीत र १६ महिनामा १८ एल्बम सार्वजनिक रहेका छन् । यसअघि डा। डीआर उपाध्यायले ६ वल्र्ड रकेड राखेका थिए । अहिले उनको जम्मा वल्र्ड रेकर्डको सङ्ख्या १४ पुगेको छ ।

विभिन्न साङ्गीतिक तामझामका साथ आयोजित कार्यक्रममा गायक गायिकाहरू सागर अधिकारी ‘शरद’, नरहरि प्रेमी, योगेश काजी, राज सगर, मनोज राज र सारिका घिमिरेले एल्बमका गीत प्रत्यक्ष प्रस्तुत गरेर उपस्थित सबैलाई गीत सङ्गीतमा झुमाउने काम गरे । वल्र्ड बुक्स अर्फ अमेरिका, अस्ट्रेलिया, लन्डन, मिराकल वल्र्ड रेकर्ड, इन्डिया स्टार वल्र्ड रेकर्ड, एक्सक्लुसिभ वल्र्ड रेकर्ड, जीनस वल्र्ड रेकर्ड, एभरेस्ट वल्र्ड रेकर्ड लगायत विभिन्न देशबाट रेकर्डको प्रमाणपत्र प्राप्त गरेका डीआरले सबै रेकर्डको प्रमाण पत्र कार्यक्रममा प्रदर्शन गरेका थिए 

प्रतिकृया दिनुहोस
प्राप्त प्रतिक्रिया
तपाईँको मत

दिपेन्द्र श्रेष्ठ ‘विन्ध्यवासिनी गीत संगीत पत्रकारिता सम्मान २०७६’ बाट सम्मानित

  • १७ कार्तिक, २०७६

नेपाल पत्रकार महासंघ कास्कीका अध्यक्ष दिपेन्द्र श्रेष्ठ ‘विन्ध्यवासिनी गीत संगीत पत्रकारिता सम्मान २०७६’ बाट सम्मानित भएका छन् । काठमाडौंमा

नेपाल अफ्रिका फिल्म फेस्टिबल सुरु

  • १७ कार्तिक, २०७६

तीन दिबसीय ‘नेपाल अफ्रिका चलचित्र महोत्सब’ १६ कात्तिक शनिबारबाट काठमाडौंको जमल स्थित राष्ट्रिय नाचघरमा सुरु भएको छ । यो महोत्सब १८ गतेसम्म बिहान

चौथो ग्लोबल नेपाली फिल्म अवार्ड-२०१९ अमेरिकाको सान फ्रान्सिस्कोमा हुँदै

  • ४ कार्तिक, २०७६

आफ्नै नाम, शान र पहिचान सहित ग्लोबल नेपाली फिल्म अवार्डको चौथो संस्करण २०१९ हुने भएको छ ।चौथो ग्लोबल नेपाली फिल्म अवार्ड २०१९ , सान फ्रान्सिस्को बे