चलचित्र ‘कथा ७२’ को नेपाल प्रिमियर काठमाडौं अन्तर्राष्ट्रिय पर्वतीय चलचित्र महोत्सव (किम्फ)मा हुने भएको छ ।

नेपाली मौलिक चलचित्र ‘कथा ७२’ को नेपाल प्रिमियर काठमाडौं अन्तर्राष्ट्रिय पर्वतीय चलचित्र महोत्सव (किम्फ)मा हुने भएको छ । देशबाहिरका विभिन्न चार चलचित्र महोत्सवहरुमा प्रदर्शन भइसकेको ‘कथा ७२’ किम्फको यस वर्षको संस्करणको नेपाल प्यानोरमा अन्तर्गत छनौट भएसँगै २२ मंसिर दिउँसो १ बजे राष्ट्रिय सभागृहको सिटी हलमा प्रिमियर हुने भएको हो । चलचित्रले काठमाडौंबाहिर पनि प्रिमियर गर्ने भएको छ । चलचित्रको पश्चिम प्रिमियर बुटवलको भ्यू सिनेमा हलमा २४ मंसिर र पूर्व प्रिमियर इटहरीको इलाइट सिनेमा हलमा २६ मंसिरमा हुँदैछ । २८ मंसिर शुक्रबारबाट देशभरीको सिनेमा हलहरुमा ‘कथा ७२’ प्रदर्शन हुँदैछ ।

‘हाम्रो भूगोल, हाम्रो कथा’ भन्ने अभियानका साथ २०७२ को महाभूकम्पले मानवीय सम्बन्ध र संवेदनामा पारेको प्रभावमाथि चलचित्र निर्माण भएको हो । प्रवीण स्याङ्बोको लेखन तथा निर्देशन रहेको चलचित्रलाई चिन्तन राजभण्डारीले खिचेका हुन् । चलचित्रमा रंगमञ्चमा अभिनयको पृष्ठभूमी बनाएका कलाकारहरु आकाश मगर, सुप्रिया राना, भुइसाल लामा, पाल्मो सन्जु, केदार श्रेष्ठ, शारदा अधिकारी, रोमस लगायतको अभिनय रहेको छ ।

 

लोकल सिनेमा प्रा.लिको निर्माण तथा आइसफल प्रोडक्सन र दक्षिण अफ्रिकी कम्पनी बिफ्याट मोटेलको सहकार्यमा चलचित्रको निर्माण भएको हो । ‘कथा ७२’ सियाटल इन्टरनेशनल फिल्म फेस्टिभल–अमेरिका, डर्वन इन्टरनेशनल फिल्म फेस्टिभल–दक्षिण अफ्रिका, सिकागो इन्टरनेशनल फिल्म फेस्टिभल–अमेरिका, हानोइ इन्टरनेशनल फिल्म फेस्टिभल–भियतनाममा प्रदर्शन भइसकेको छ । चलचित्रको प्रतिकात्मक गीत नेपाल प्रिमियरसँगै २२ मंसिरमा युट्युबमा सार्वजनिक हुने निर्देशक स्वाङबोले बताए ।

प्रतिकृया दिनुहोस
प्राप्त प्रतिक्रिया
तपाईँको मत

रोशनी केसी चितवनमा सम्मानित

  • १ असार, २०७६

नेपाली चलचित्र क्षेत्रकी एक चर्चित अभिनेत्री तथा निर्मात्री रोशनी केसी चितवनमा सम्मानित भएकी छिन् । चितवनबाट प्रकाशित पहिलो र एक मात्र रंगिन

नेशनल बक्स अफिस म्युजिक भिडियो अवार्ड हङकङमा हुने

  • १ असार, २०७६

कलाकार, पत्रकार, खेलकुदकर्मीहरुलाई सक्रिय बनाउँन स्थापित बक्स अफिस इन्टरनेशनल ग्रुप तथा बक्स अफिस फिल्म क्लव नेपालले विगत ११ वर्ष देखि दशरथ रंगशाला,

चकित पर्ने 'प्रेमगीत३ 'को पोस्टर ,प्रदिप खड्का खोइ ?..(पोस्टर सहित)

  • १ असार, २०७६

केहि महिना,हप्ता अनि दिनदेखि चलचित्र “प्रेमगीत ३”को लागि नायिकाको अडिसन चलिरहदा चलचित्रको निर्माण पक्षले नायिका हैन एक नवनायकलाई दर्शक सामु